Розыгрышы ў каналах і бясплатная Premium-падпіска

Чытаць арыгінальны допіс па-англійску
Розыгрышы ў каналах і бясплатны Premium

Уладальнікі каналаў цяпер могуць пачынаць розыгрышы, падчас якіх падпісчыкі, выбраныя выпадковым чынам, атрымліваюць прызы. Гэта добрая магчымасць прарэкламаваць свой канал, атрымаць новых падпісчыкаў або ўзнагародзіць тых, хто ўжо падпісаўся.

Розыгрышы былі і застаюцца папулярным трэндам у сацыяльных сетках ужо даволі працяглы час, але дагэтуль іх немагчыма было хутка арганізаваць так, каб правесці іх правяраема і празрыста. Сёння Telegram змяняе гэта. Абнаўленне дазволіць мільёнам карыстальнікаў атрымаць прызы, накшталт падпіскі Telegram Premium, а Telegram забяспечыць, што пераможцы выбіраюцца справядліва.

Бясплатная падпіска Telegram Premium

Уладальнікі каналаў могуць стварыць розыгрыш літаральна ў некалькі дотыкаў, а Telegram выбірае выпадковых пераможцаў на падставе вызначаных імі правілаў – і раздае прызы.

Шчасліўчыкі, якія перамаглі, атрымаюць падарункавы код, які можа служыць публічным пацверджаннем іх перамогі. Кожны код дае магчымасць атрымаць бясплатную падпіску Telegram Premium, але арганізатары розыгрышу могуць дадаць іншыя прызы (напрыклад, машыну Tesla), каб было цікавей.

Каб паспрабаваць паўдзельнічаць, далучайцеся да розыгрыша, які праводзіцца заснавальнікам і выканаўчым дырэктарам Telegram да 13 лістапада. Калі вы ўжо маеце падпіску Premium, вы ўсё адно можаце ўдзельнічаць і перамагчы – і перадасці прыз свайму сябру.

Атрыманне падтрымкі

І ў дадатак да новых падпісчыкаў, каналы таксама атрымліваюць 4 адзінкі падтрымкі за кожную падпіску, якую яны разыграюць. Гэтая падтрымка не можа быць перанакіравана і застанецца на канале на ўвесь тэрмін дзеяння падпіскі-прыза. Падтрымка дазваляе каналам атрымаць новы ўзровень і адкрыць дадатковыя магчымасці накшталт гісторый, колераў і шмат чаго яшчэ.

Стварэнне розыгрышаў

У дадатак да колькасці пераможцаў і працягласці розыгрышу, арганізатар можа вызначыць: ці ўсе або толькі новыя падпісчыкі могуць удзельнічаць, і выбраць пэўныя краіны, ці выставіць патрабаванне, каб удзельнікі падпісаліся на іншыя каналы, каб паўдзельнічаць у розыгрышы.

Каналы з любым узроўнем падтрымкі могуць пачаць розыгрыш праз Звесткі аб канале > ⋮/⋯ > Статыстыка > Падтрымка.

Аплата розыгрышаў

Каб пачаць розыгрыш, арганізатар абавязаны ўнесці аплату за падпіскі Premium, якія будуць выступаць прызам. Гэта можна зрабіць у любой з праграм Telegram, але найбольш выгадна будзе зрабіць гэта праз @PremiumBot або Fragment.

App Store і Google Play абмяжоўваюць максімальную суму транзакцыі – таму, калі вам спатрэбіцца больш падпісак, вы можаце скарыстацца @PremiumBot. А для маштабных розыгрышаў мы раім карыстацца Fragment, бо платформа дазволіць вам набыць да тысячы падпісак у адначассе.

Аплата розыгрышу на Fragment

Вы можаце атрымаць доступ да @PremiumBot праз Telegram Web, Telegram Desktop або версію Telegram for Android, спампаваную з нашага сайта напрамую.

Больш падтрымкі ад карыстальнікаў

Ад сёння кожны падпісчык Telegram Premium атрымлівае дадатковую магчымасць падтрымаць канал як частку падпіскі. Карыстальнікі, якія аплацілі сваю ўласную падпіску, змогуць падтрымаць чатыры розныя каналы або падтрымаць адзін і той жа канал некалькі разоў.

Выбар канала для падтрымкі

Калі вы падарылі Premium камусьці іншаму, то гэты карыстальнік атрымае адну магчымасць падтрымкі, а вы атрымаеце дадатковыя тры на свой уліковы запіс. А калі вы выйгралі Premium у розыгрышы, то ваша падтрымка аўтаматычна накіроўваецца на канал, які яго правёў.

На сёння ўсё. Хутка вернемся з новым абнаўленнем. Ці разыграем яго?…


6 лістапада, 2023
Каманда Telegram

Other News

Рэдактар стыкераў – стварайце свае стыкеры

Пачынаючы ад сёння вы зможаце ствараць стыкеры і наборы стыкераў з любога відарысу з дапамогай магутнага рэдактара — не выходзячы з Telegram.
Apr 14, 2024

Прадстаўляем Telegram для бізнесу

З гэтым абнаўленнем любы зможа пераўтварыць свой уліковы запіс Telegram у старонку для бізнесу – і атрымаць доступ да магчымасцей для бізнесу, такіх як паказ часу працы і месцазнаходжання…
Mar 31, 2024

Гісторыі ў суполках і яшчэ 8 магчымасцей

Telegram выводзіць камунікацыю ў суполках на новы ўзровень — з 9 новымі магчымасцямі. Цяпер суполкі могуць размяшчаць гісторыі і захоўваць іх як допісы на сваёй старонцы профілю. Можна…
Feb 29, 2024

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024