Адказы 2.0, гнуткія налады спасылак, персаналізацыя колераў і шмат чаго яшчэ

Чытаць арыгінальны допіс па-англійску
RАдказы 2.0, гнуткія налады спасылак, персаналізацыя колераў і шмат чаго яшчэ

Сённяшняе абнаўленне дазволіць вам цытаваць вызначаныя часткі з паведамленняў падчас адказу, адпраўляць адказы ў іншыя чаты, дадаваць спецыяльнае фарматаванне для цытат на любы тэкст, поўнасцю наладжваць папярэдні прагляд спасылак, выбіраць колер вашага ўліковага запісу, і шмат чаго яшчэ.

Рэвалюцыя адказаў

Telegram прадставіў адказы ў 2015, упершыню даючы людзям інтуітыўны спосаб сачыць за шматузроўневымі размовамі ў чатах. Усе месенджары ў выніку прынялі стандарт Telegram – і сёння мы пасоўваем межы яшчэ далей.

Цяпер карыстальнікі могуць цытаваць часткі любога паведамлення, каб зрабіць адказ на 100% дакладным. Калі вы націснеце на цытату, то яна падсвеціць арыгінальны тэкст у паведамленні з прыгожай анімацыяй.

Каб зрабіць цытату, націсніце або (на iOS) ўтрымлівайце паведамленне, пацягніце, каб выбраць тэкст, і выберыце «Цытата».

Ад сёння адказы можна адпраўляць у іншыя чаты – у выпадку, калі вам трэба адказаць прыватна або перанесці размову ў іншую суполку ці канал. Націснуўшы на паведамленне, да якога быў зроблены адказ, вы пяройдзеце ў чат, у якім яно было адпраўлена, калі вы маеце доступ да яго.

Каб адказаць у іншым чаце, націсніце на панэль адказу ўверсе ад поля ўводу і выберыце «Адказ у іншы чат», а пасля выберыце чат, у які вы хочаце адправіць адказ.

Фарматаванне цытат

У дадатак да прамых цытат іншых карыстальнікаў, вы можаце дадаць фарматаванне цытаты да любога тэксту, і ў тым ліку зрабіць некалькі цытат у адным адказе.

Фарматаванне цытат

Мы таксама палепшылі кантэкстнае меню, каб вам было прасцей карыстацца магчымасцямі фарматавання.

Налады папярэдняга прагляду

У 2015 Telegram таксама быў першым месенджарам, які дадаў папярэдні прагляд спасылак, з загалоўкам, апісаннем і медыяфайлам для кожнай старонкі.

З гэтым абнаўленнем мы даем вам поўны кантроль над папярэднімі праглядамі. Вы можаце змяніць памер медыя, выбраць, ці прагляд будзе паказвацца перад паведамленнем або пасля яго, а таксама выбраць, для якой са спасылак стварыць папярэдні прагляд, калі вы адпраўляеце некалькі ў адным паведамленні.

Адкрываць спасылкі таксама стала прасцей, бо для гэтага цяпер можна націснуць у любое месца вобласці папяэдняга прагляду.

Налады адказаў, перасылкі і спасылак

Калі вы адказваеце падчас перасылкі паведамленняў, дадаяце спасылкі ў адказ, або робіце ўсё гэта адразу, то вы можаце атрымаць доступ да ўсіх датычных налад праз новыя панэлі ў меню.

Premium Колеры ўліковага запісу

Вы можаце наладзіць прадстаўленне свайго ўліковага запісу, выбраўшы колер або спалучэнне колераў для вашага імя ва ўсіх суполках, уключна са спасылкамі, якія вы адпраўляеце, і адказамі на вашы паведамленні.

Дадаткова вы можаце выбраць значок, які будзе ўжывацца як узор, ствараючы ўнікальны фон для вашых паведамленняў. Гэты фон будзе паказвацца, калі да вашых паведамленняў будуць рабіць цытаты і адказы.

Каб выбраць колер уліковага запісу на Android, перайдзіце ў Налады > Налады чатаў > Змяніць колер імя. На iOS, перайдзіце ў Налады > Выгляд > Колер вашага імя.

Гэтыя налады таксама даступныя для каналаў, якія атрымалі дастатковы ўзровень падтрымкі5 і вышэй.

Паляпшэнні для гісторый

Гісторыі цяпер можна праматаць уперад або назад – проста ўтрымлівайце ў любым месцы на экране і цягніце ўлева ці ўправа.

А каб сэлфі атрымліваліся ярчэйшымі, можаце скарыстацца пярэдняй успышкай – з гнуткімі наладамі для цеплыні і інтэнсіўнасці.

Каб наладзіць цеплыню і інтэнсіўнасць успышкі, утрымлівайце значок ⚡ падчас выкарыстання пярэдняй камеры для гісторыі.

Калі вы ўпершыню адкрыеце гісторыі, то ўбачыце хуткі дапаможнік, які растлумачыць асноўныя жэсты.

На сёння ўсё. Перадаем справы ў вашы адказныя рукі, пакуль будзем занятыя наступным абнаўленнем.

28 кастрычніка, 2023
Каманда Telegram

Other News

Гісторыі ў суполках і яшчэ 8 магчымасцей

Telegram выводзіць камунікацыю ў суполках на новы ўзровень — з 9 новымі магчымасцямі. Цяпер суполкі могуць размяшчаць гісторыі і захоўваць іх як допісы на сваёй старонцы профілю. Можна…
Feb 29, 2024

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024

Палепшаныя выклікі, эфект распылення і новы функцыянал ботаў

Дзясятае абнаўленне Telegram у 2023 дадае абноўленыя выклікі з лепшай прадукцыйнасцю і меншым спажываннем зараду батарэі, новы эфект распылення…
Dec 31, 2023

Налады выгляду каналаў, адпраўка допісаў у гісторыях і шмат чаго яшчэ

З сённяшнім абнаўленнем любы карыстальнік зможа апублікоўваць допісы з каналаў як гісторыі, каналы атрымаюць пашыраныя налады выгляду,…
Dec 23, 2023