Падобныя каналы, публікацыя гісторый іншых аўтараў і яшчэ 9 іншых магчымасцей

Чытаць арыгінальны допіс па-англійску
Падобныя каналы, публікацыя гісторый іншых аўтараў і яшчэ 9 іншых магчымасцей

Сённяшняе абнаўленне дадае новыя магчымасці для пошуку каналаў на адну і тую ж тэму, публікацыі гісторый іншых аўтараў і для запісу відэапаведамленняў паверх гісторый. Таксама мы дадалі дапасаванне колераў і ўзораў да вашага профілю, статыстыку гісторый, уласныя рэакцыі для каналаў, пераўтварэнне голаса ў тэкст для ўсіх і шмат чаго яшчэ.

Падобныя каналы

Сотні мільёнаў карыстальнікаў падпісваюцца на каналы ў Telegram, каб быць у курсе апошніх навін, атрымліваць разнайстайнае змесціва і глядзець фатаграфій шасціпальцых катоў, створаных штучным інтэлектам.

Каб палегчыць пошук каналаў, цяпер пры далучэнні да канала вы зможаце бачыць спіс падобных публічных каналаў, звязаных з той жа тэмай.

У спісе з'яўляюцца толькі публічныя каналы, яны выбіраюцца аўтаматычна на аснове падабенства іх аўдыторый падпісчыкаў.

Вы таксама можаце паглядзець Падобныя каналы у профілі канала.

Публікацыя гісторый іншых аўтараў

Гісторыі вашых сяброў і любімых каналаў можна абагуліць на вашай старонцы, павялічваючы іх аўдыторыю за два дотыкі.

Публікацыя гісторыі іншага аўтара дазваляе вам дадаваць дадатковае змесціва – напрыклад, тэкст, аўдыя- або нават відэакаментарый – і таксама асобна вызначыць налады бачнасці.

Каб апублікаваць гісторыю іншага аўтара, націсніце стрэлку абагульвання і выберыце «Апублікаваць у сваім профілі». Каб абараніць прыватнасць аўтара, публікацыя дазваляецца толькі для тых гісторый, якія бачныя для «ўсіх».

Відэапаведамленні ў гісторыях

Размяшчаючы гісторыю, цяпер вы можаце дадаць да яе відэапаведамленне ў якасці каментарыя або сваёй рэакцыі. Памер відэапаведамленняў можна змяняць, іх можна перамяшчаць у любое месца на экране, каб яны добра змяшчаліся ў рамку кампазіцыі вашай гісторыі. Напрыклад, вы можаце расказаць перадгісторыю для фатаграфіі або стварыць відэаразмову з самім сабой — быццам між рознымі персанажамі.

Відэапаведамленні ў гісторыях

Гісторыі іншых аўтараў, якія вы публікуеце ў свой профіль, таксама падтрымліваюць відэапаведамленні — так што вы можаце выказаць сваё меркаванне або проста пачаць збірацца ў вялізную чараду публікацый гісторый адно ад аднаго.

Каб запісаць відэапаведамленне, утрымлівайце значок камеры ў рэдактары гісторый. Каб кантраляваць гучнасць, утрымлівайце відэадарожку ўнізе экрана.

Premium: Колеры профілю

Наша апошняе абнаўленне дазваляе карыстальнікам Premium выбіраць колер для свайго імя, спасылак, якія яны адпраўляюць, і адказаў на іх паведамленні.

З сённяшняга дня Telegram Premium таксама дазваляе выбраць унікальнае спалучэнне колераў з лагатыпамі (напрыклад такія або такія) для вашага профілю, каб вылучыць вашу старонку сярод іншых.

Каб наладзіць вашы паведамленні або профіль на Android, перайдзіце ў Налады > Налады чата > Змяніць колер імя. На iOS перайдзіце з Налады > Знешні выгляд > Колер вашага імя.

Premium: Фоны чатаў для абодвух суразмоўцаў

Любы карыстальнік можа задаць уласны фон для асобных чатаў, робячы кожную размову асабліва выяўленчай з дапамогай розных тэм і вашых любімых фатаграфій.

А цяпер карыстальнікі Premium могуць задаць фон і для абодвух бакоў чата, робячы аднолькавы выгляд як для вас, так і для вашага суразмоўца.

Каб задаць уласны фон ў любым дыялогу, націсніце на профіль карыстальніка, выберыце ⋮ / ⋯ > Змяніць фон.

Пераўтварэнне голасу ў тэкст для ўсіх

У 2022 годзе, карыстальнікі Premium атрымалі магчымасць расшыфроўваць галасавыя і відэапаведамленні, што дапамагае хутка ўбачыць, што было сказана, або нават перакладаць аўдыя на розныя мовы.

З гэтым абнаўленнем цяпер усе карыстальнікі могуць канвертаваць да 2 паведамленняў на тыдзень у тэкст.
Проста дакраніцеся да значка →A, каб паспрабаваць.

Звярніце ўвагу: гэтая опцыя будзе выходзіць у доступ паступова і можа быць недаступнай для вашага ўліковага запісу адразу пасля абнаўлення.

Telegram Premium па-ранейшаму дазваляе неабмежаванае пераўтварэнне голасу ў тэкст.

Статыстыка гісторый для каналаў

Каналы, якія могуць публікаваць гісторыі, цяпер могуць праглядаць статыстыку праглядаў, абагульванняў і рэакцый, з падрабязнымі графікамі, каб сачыць за ахопам аўдыторыі і эфектыўнасцю.

Статыстыка гісторый для каналаў

Статыстыку гісторыі можа паглядзець, націснуўшы ⋮/⋯ падчас прагляду вашай гісторыі, або парайшоўшы ў профіль канала, затым ⋮/⋯ > Статыстыка.

Статыстыку канала, налады падтрымкі каналаў і розыгрышаў цяпер лягчэй знайсці, перайшоўшы ў профіль канала, затым Рэдагаваць > Статыстыка і падтрымка.

Уласныя рэакцыі для каналаў

У кіраўнікоў каналаў ёсць новы інтэрфейс для кіравання рэакцыямі, дзе яны могуць дадаваць або выдаляць пэўныя эмодзі.

У дадатак да стандартных рэакцый каналы таксама могуць дадаваць уласныя эмодзі, атрымліваючы 1 карыстальніцкую рэакцыю з кожным атрыманым узроўнем.

Уласныя рэакцыі для каналаў

Статыстыка канала цяпер паказвае графік агульнага настрою на аснове эмодзі, якія выкарыстоўваюцца для рэакцый на допісы. Яна адсочвае пазітыўныя і негатыўныя настроі, напрыклад, для аналагаў эмодзі 👍 / 🔥 і 👎 / 💩, і заносіць больш невідавочныя варыянты накшталт , 🧞‍♂️ ці 🪃 у катэгорыю «іншыя».

Падсветка кода ў паведамленнях

Дзякуючы пераможцу нядаўняга конкурсу для праграмістаў, усе праграмы Telegram цяпер могуць выяўляць мову праграмавання і падсвечваць сінтаксіс у паведамленнях, адпраўленых з дапамогай ```монашырыннага фармаціравання```, каб вы нарэшце змаглі ўбачыць розніцу паміж Java і C#. 😉

Падсветка кода ў паведамленнях

Паляпшэнні тэм

У суполках з уключанымі тэмамі ваша праграма будзе захоўваць налады прагляду для зноў адкрытых суполак. Вы ўбачыце Спіс паведамленняў або Спіс тэм, у залежнасці ад вашага апошняга выбару.

Паляпшэнні тэм

Эфект пстрычкі Танаса для iOS

Аўтавыдаленне паведамленняў у iOS цяпер мае цудоўную анімацыю пры завяршэнні яго таймера. Паглядзіце, як паведамленні рассыпаюцца на мільёны пікселяў, перш чым знікнуць назаўсёды.

Вы можаце ўключыць таймер аўтаматычнага выдалення для паведамленняў у асобных чатах або ва ўсім уліковым запісе.

Вось і ўсё на сёння. Мы будзем працягваць працаваць над падобнымі абнаўленнямі, напоўненымі магчымасцямі для іх вывучэння.


30 лістапада, 2023 г.
Каманда Telegram

Other News

Рэдактар стыкераў – стварайце свае стыкеры

Пачынаючы ад сёння вы зможаце ствараць стыкеры і наборы стыкераў з любога відарысу з дапамогай магутнага рэдактара — не выходзячы з Telegram.
Apr 14, 2024

Прадстаўляем Telegram для бізнесу

З гэтым абнаўленнем любы зможа пераўтварыць свой уліковы запіс Telegram у старонку для бізнесу – і атрымаць доступ да магчымасцей для бізнесу, такіх як паказ часу працы і месцазнаходжання…
Mar 31, 2024

Гісторыі ў суполках і яшчэ 8 магчымасцей

Telegram выводзіць камунікацыю ў суполках на новы ўзровень — з 9 новымі магчымасцямі. Цяпер суполкі могуць размяшчаць гісторыі і захоўваць іх як допісы на сваёй старонцы профілю. Можна…
Feb 29, 2024

Захаваныя паведамленні 2.0, аднаразовыя галасавыя і відэапаведамленні, і яшчэ 8 новых магчымасцей

На працягу студзеня мы дадалі 10 новых магчымасцей у Telegram – сярод якіх палепшаныя захаваныя…
Jan 31, 2024