Фільтры пошуку, ананімныя кіраўнікі, каментарыі для каналаў і шмат чаго яшчэ

Чытаць арыгінальны допіс па-англійску
Прадстаўляем фільтры пошуку, ананімных кіраўнікоў, каментарыі для каналаў і шмат чаго яшчэ!

Ваша асабістае воблака Telegram не мае межаў і, напэўна, ужо поўніцца вясёлымі мемамі. Каб дапамагчы вам у ім арыентавацца, мы прадстаўляем фільтры пошуку. Гэтае абнаўленне таксама дадае безыменны рэжым для кіраўнікоў суполак, каб зрабіць ваша змаганне за свабоду больш бяспечным, а таксама каментарыі для каналаў, каб даць голас усім і кожнаму.

Фільтры пошуку

Цяпер вы можаце фільтраваць вынікі пошуку паводле тыпу з дапамогай новых укладак: Медыя, Спасылкі, Файлы і іншыя. Каб вывесці паведамленні за пэўны прамежак часу, проста ўвядзіце “14 жніўня” або “Учора”. Калі вы ўвядзеце імя карыстальніка, назву суполкі, канала або бота, то будзе дастасаваны фільтр паводле крыніцы.

Фільтры можна аб'ядноўваць, што дазваляе вам знаходзіць усё, што заўгодна, з дакладнасцю да найдрабнейшых дэталей, як, напрыклад, паведамленні са спасылкай, адпраўленыя ў сакавіку 2016, якія змяшчаюць слова “лодка”.

Ананімныя кіраўнікі суполкі

Telegram усё шырэй выкарыстоўваецца ў арганізацыі пратэстраў за дэмакратыю і свабоду. Сёння мы прадстаўляем яшчэ адзін інструмент для больш бяспечных пратэстаў.

Уключыце опцыю Ужываць безыменны рэжым у правах кіраўніка, каб перавесці яго ў рэжым Бэтмэна. Ананімны кіраўнік будзе схаваны са спісу ўдзельнікаў суполкі, а яго паведамленні ў суполцы будуць падпісвацца назвай суполкі, так жа, як допісы з каналаў у суполках абмеркавання.

Паведамленне ананімнага кіраўніка ў суполцы

Каментарыі для каналаў

Дарэчы, пра каналы: мы дадалі кнопку каментавання да допісаў каналаў з суполкамі абмеркавання. Каментарыі будуць паказвацца ў асобнай зручнай стужцы, але будуць таксама размяшчацца і ў суполцы абмеркавання, каб кожная дыскусія была навідавоку – і для ахвотных паўдзельнічаць, і для кіраўнікоў, якія захоўваюць парадак.

Калі вы не з'яўляецеся ўдзельнікам суполкі абмеркавання, апавяшчэнні аб адказах на вашы каментарыі будуць прыходзіць у новую ўкладку "Адказы".

На некаторы час мы пакінулі магчымасць паэксперыментаваць з гэтай опцыяй у гэтым канале.

Калі вы хочаце падключыць суполку абмеркавання да вашага канала, перайдзіце ў Налады канала > Абмеркаванне.

Цудоўныя абнаўленні для Android

Нашы Android-чараўнікі не забыліся падагнаць вам некалькі новых анімацый. Каб ацаніць іх, паспрабуйце схаваць ці выцягнуць сваю клавіятуру – ці пераключыцеся паміж дзённай і начной тэмай у левым меню. Вы таксама ўбачыце усплыўныя папярэджанні пры выдаленні паведамленняў, наладжванні апавяшчэняў, захаванні файлаў і гэтак далей.

Калі шукаеце чагосьці больш практычнага, паспрабуйце ўтрымліваць аватар любога ўдзельніка ў суполцы, каб прагледзець яго ў павелічэнні. А калі вы карыстаецеся некалькімі ўліковымі запісамі у адной праграме, вы можаце прагледзець спіс размоў вашых іншых уліковых запісаў з дапамогай таго ж жэсту у акне пераключэння.

Новыя анімаваныя эмодзі

Мы працягваем няспынны рух да нашай мэты зрабіць кожны існуючы эмодзі анімаваным. Каб размясціць што-небудзь з гэтага 👇 у чаце, проста адпраўце паведамленне з адным эмодзі.


На сёння ўсё. Убачымся ў каментарыях!


30 верасня 2020
Каманда Telegram

Іншыя навіны

استوری‌های گروه و ۸ قابلیت دیگر

تلگرام، با ۹ قابلیت جدید، مکالمات درون گروه‌ها را وارد مرحله جدیدی می‌کند و معنای ارتباط چند به چند را تغییر می‌دهد. از این پس، گروه‌ها می‌توانند استوری منتشر کنند و آن‌ها را به عنوان…
29 Лют, 2024

پیام‌های ذخیره شده 2.0، پیام‌های صوتی یک بار پخش‌شونده و ۸ قابلیت دیگر

۱۰ قابلیت جدید به تلگرام اضافه کردیم که شامل پیام‌های ذخیره شده‌ی ارتقا یافته، پیام‌های صوتی و ویدیویی یک بار مصرف که پس از پخش حذف می‌شوند،…
31 Сту, 2024

تماس‌های ارتقا یافته، جلوه‌ی تانوس و ربات‌های بهتر

در دهمین به‌روزرسانی سال ۲۰۲۳، تماس‌ها با افزایش عملکرد و کاهش میزان مصرف باتری بهبود یافته، جلوه‌ی جدیدی برای حذف پیام‌ها و چندین مورد…
31 Сне, 2023

ظاهر کانال، پست در استوری و موارد دیگر

در به‌روزرسانی کریسمس تلگرام، قابلیت تنظیم پس‌زمینه، اموجی وضعیت و لوگوی پروفایل برای کانال‌ها نیز فعال شده، کاربران می‌توانند پست‌های کانال‌ها را در استوری بازنشر کرده و امکان هدیه…
23 Сне, 2023