Сыйлық, растау платформасы және т.б.

Read the original announcement in English

Енді қолданушылар достарына сыйлықтар жібере алады. Сыйлық алушылар оларды өздерінің бейіндерінде көрсете алады немесе оларды жұлдызға айналдыра алады. Жұлдыздарды көптеген нәрселерге қолдануға болады, соның ішінде контент жасаушыларды қолдау және шағын қолданбаларда қызметтер сатып алу.

Сонымен қатар Telegram бизнеске клиенттердің телефон нөмірлерін растау үшін жаңа платформаны іске қосты: бұл растау платформасы қолданушыларға Telegram арқылы код алып, телефон нөмірлерін оңай растауға мүмкіндік береді және бизнеске әр қолданушы үшін бар болғаны $0.01 тұрады. Біз сондай-ақ бейнечаттарды жақсарттық, Telegram-даға контентке шағымдану жолдарын кеңейттік және т.б.

Сыйлық

Telegram қолданушылары енді бір-біріне мерекелерді атап өту және контактілерді анимациялы суреттермен және жеке хаттармен құттықтау үшін жұлдыздар арқылы сыйлықтар жібере алады.

Жұлдыздың орнына жалғыз мүйіз беру керек болған жағдайда ғана.

Сыйлық алған кезде оны профиліңдегі жаңа «Сыйлық» қойындысында көрсете аласыз немесе сыйлықты алып тастап, оның Жұлдыздарының бір бөлігін басқа жерге жұмсай аласың, соның ішінде жаңа сыйлықтарға.

Сыйлық жіберу үшін қолданушының бейінін ашып, ⋮ / ⋯ → Сыйлық жіберу таңдаңыз. Кез келген хат немесе эмоджи қоса аласыз.

Жалғыз мүйіздің түсіндіруі қажет болған жағдайда ғана.

Сыйлық жібергенде атыңызды жасыра аласыз. Алушы кім жібергенін біледі, бірақ сыйлық бейінінде көрсетілсе, басқа ешкім атыңызды көрмейді.

Растау платформасы

Өз тәжірибемізден бизнес үшін клиенттердің телефон нөмірлерін растау қаншалықты қымбат болатынын білеміз. Бүгіннен бастап кез келген бизнес, қолданба немесе веб-сайт Telegram арқылы растау кодтарын жібере алады және оларды Fragment арқылы төлей алады. Telegram кодтары SMS немесе басқа баламаларға қарағанда жылдам, арзан, қауіпсіз әрі ыңғайлы.

Компанияңыздың бюджетінің жартысын кодтарға жұмсағыңыз келмеген жағдайда ғана.

Қолданушылар кодтарды Telegram ішіндегі арнайы чатта бірден алады.

Telegram-ның Gateway API-і толықтай тегін сынауға қолжетімді. Қызығушылық танытқан әзірлеушілер біздің толық нұсқаулықтан көбірек біле алады.

Жақсартылған шағыну бетбейнесі

Telegram модераторлары күн сайын біздің қызмет көрсету шарттарын бұзатын миллиондаған контентті жояды. 2015 жылдан бері барлық Telegram қосымшалары қолданушыларға хабарламаларды модераторларға шағынуға мүмкіндік береді.

Модераторлардың шағымдарды ауқымды көлемде өңдеу қабілетін және ЖИ мүмкіндіктерімізді жақсарту үшін шағыну мәзірі әр санат үшін одан да көп нақты теңшеулермен кеңейтілді. Шағыну себептерінің тізімі енді серверден динамикалық түрде жаңартылып отырады, бұл бізге оқиғалар мен трендтерге бейімделіп, ең өзекті себептерді нақты уақытта ұсынуға мүмкіндік береді.

Дәл осыны хабарлауыңыз керек болған жағдайда ғана.

Хатқа шағыну үшін Android-та хатты басыңыз, iOS-та хатты басып тұрыңыз немесе Desktop/Web-та тінтуірдің оң жақ батырманы басып, «Шағыну»-ды таңдаңыз.

iOS-та қайта жасалған бейнечаттар

iOS-тағы бейнечаттар өнімділікті арттыру және батареяның қызмет ету мерзімін жақсарту үшін толықтай қайта жасалды.

Бұл енді құрылғылардың ұзақ қоңыраулар кезінде ондаған қатысушы бірнеше бейне стримін бөліссе де өзінде салқын болып қалатынын білдіреді.

Сізде қазірдің өзінде жылы қолғаптар болуы мүмкін.

Telegram-дағы бейнечаттар камераңызды көрсетіп, экраныңызды бөлісуге мүмкіндік береді.

Android-та RTMP эфирлері

Telegram-ның Android нұсқасы енді RTMP арқылы тікелей эфирді қолдайды, бұл сізге эфир кілтін жасауға және бейне стримді OBS Studio пен XSplit Broadcaster сияқты танымал қолданбаларға қосуға мүмкіндік береді.