Звышхуткае гартанне і каляндарны выгляд для агульных медыя, запыты на далучэнне, глабальныя тэмы чатаў на iOS і шмат чаго яшчэ

Чытаць арыгінальны допіс па-англійску
Звышхуткае гартанне і каляндарны выгляд для агульных медыя, запыты на далучэнне, глабальныя тэмы чатаў на iOS і шмат чаго яшчэ

Сённяшняе абнаўленне дапамагае вам лягчэй шукаць успаміны ў агульных медыя з звышхуткім гартаннем і каляндарным выглядам, і дадае наладу для спасылак-запрашэнняў, якая патрабуе адабрэнне далучэння кіраўніком, глабальныя тэмы чатаў для ўсёй праграмы, а таксама… карацей, глядзіце самі!

Звышхуткае гартанне для агульных медыя

Кожны карыстальнік Telegram мае неабмежаване воблачнае сховішча, і ў кожным чаце ёсць старонка агульных медыя, на якой паказваюцца ўсе фота, відэа, файлы і музыка, адпраўленыя ў ім. Мы дадалі новую панэль дат збоку старонкі, якую можна перацягваць, каб гартаць медыя хутчэй.

А каб лепей усё разгледзець, вазьміцеся двума пальцамі: цяпер вы можаце прыблізіць або аддаліць медыя, каб бачыць дзве вялікія ці безліч маленькіх мініяцюр.

Каляндарны выгляд для агульных медыя

Каб хутка знайсці медыя з патрэбнага перыяду часу, даткніцеся да панэлі дат, каб адкрыць каляндарны выгляд з перадпраглядам медыя для кожнага дня, а потым націсніце на любы дзень, каб прагледзець, што тады было адпраўлена.

Каляндарны выгляд для агульных медыя

І ў дадатак да скокаў паміж мінулым і сучаснасцю вы цяпер таксама можаце адфільтраваць агульныя медыя, каб бачыць толькі фота, толькі відэа ці тое і другое адразу.

New menu with filtering options

Каб прагледзець агульныя медыя, проста даткніцеся да панэлі ўверсе экрана любога чата і прагарніце ніжэй. Каб адкрыць новае меню, націсніце Menu Android на Android або Menu iOS на iOS.

Запыты на далучэнне для суполак і каналаў

Запрашальныя спасылкі даюць вам магчымасць дазволіць карыстальнікам далучыцца да вашай суполкі ці канала – з дапамогай непасрэднай спасылкі або QR-кода на рэкламным шчыце, як вам зручней. А цяпер, пры стварэнні дадатковых запрашальных спасылак для вашых чатаў, вы можаце прызначыць наладу «Адабрэнне далучэння кіраўніком», якая дае вам больш кантроля над тым, хто далучаецца і праглядае ваш чат.

Калі карыстальнік адкрые спасылку, далучэнні па якой адабраюцца кіраўніком, то ўбачыць кнопку, якая дазволіць адправіць запыт, з якім пасля кіраўнікі змогуць узаемадзейнічаць праз новую панэль уверсе чата. Да прыкладу, можна адразу прагледзець аватары і звесткі профіля карыстальніка, а пасля адобрыць ці адхіліць запыт.

Да прыкладу, вы хочаце размесціць запрашэнне ў свой канал з вершамі, а пасля дапускаць туды толькі сваіх блізкіх сяброў і людзей, якія апранаюцца ў фіялетавае.

Унікальныя назвы для запрашальных спасылак

Адабрэнне кіраўніком можна дадаць да любой спасылкі у панэлі «Дадатковыя запрашальныя спасылкі». А яшчэ мы дадалі магчымасць даць кожнай спасылцы ўнікальную назву, каб вы маглі абазначыць кожную і падтрымліваць у спісе парадак.

Спіс запрашальных спасылак з назвамі, бачнымі толькі для карыстальнікаў

Назвы будуць асабліва карысныя, калі вы дастасоўваеце да сваіх спасылак розныя налады, як, да прыкладу, абмежаванні па часе і пераходах.

Глабальныя тэмы чатаў для iOS

У мінулым абнаўленні мы дадалі 8 новых тэм, якія можна было дастасаваць да асобных чатаў, а цяпер яны даступныя для усёй праграмы на iOS (і хутка будуць і для Android). Налады выгляду былі поўнасцю перапрацаваныя, даючы гэтым тэмам увагу, якой яны заслугоўваюць. Усе тэмы былі зроблены камандай Telegram, кожная тэма мае дзённы і начны рэжым, каляровыя анімаваныя фоны і прыгожыя «бурбалкі» паведамленняў з градыентамі.

І, як любую з тэм, іх можна наладзіць, змяніць колеры ці ўзор. Каб пабачыць больш опцый, націсніце «Тэмы чатаў», каб рэдагаваць і абагуліць свае стварэнні.

Час паездкі для абагуленых месцазнаходжанняў на iOS

Вы можаце трымаць у курсе сваіх сяброў, дзе вы знаходзіцеся і куды ідзяце, праз меню прымацаванняў Attach у панэлі адпраўкі паведамлення. Націсканне на месцазнаходжанне адкрывае карту, якая цяпер таксама паказвае, колькі часу зойме да яго дабрацца Foot пехатой, Car на аўтамабіле, ці Public Transport грамадскім транспартам. Каб убачыць падрабязны кірунак або заказаць таксі да гэтага месцазнаходжання, націсніце на час паездкі, каб адкрыць яго ў праграме карт ці таксі на ваш выбар.

Час паездкі для абагуленых месцазнаходжанняў на iOS

Час паездкі паказваецца як для статычных месцазнаходжанняў, так і для трансляцый, так што вы зможаце ўбачыць, колькі вашым сябрам яшчэ засталося ехаць да вас — і наадварот!

Імгненныя подпісы да медыя на iOS

Тэкст, які вы набіраеце, адразу стане подпісам, калі вы далучыце медыяфайл да паведамлення, так што цяпер вам не трэба «капіяваць-уставіць» усё вамі напісанае. Гэта таксама працуе з чарнавікамі – можаце набраць тэкст на камп’ютары, а пасля прымацаваць фота з тэлефона і ўсё адправіць.

Мы абавязкова дадамо час паездкі і імгненныя подпісы ў праграму для Android у бліжэйшых абнаўленнях.

Абноўленыя налады для iOS 15

Налады на iOS былі перароблены ў стылі iOS 15, улічваючы ачышчаныя ад усяго лішняга налады Notifications апавяшчэнняў і Stickers стыкераў. Меню Devices Прылады цяпер выглядае больш падрабязна дзякуючы новым іконкам – націсніце на любую прыладу, каб прагледзець звесткі або выйсці з яе.

Звярніце ўвагу, што месцазнаходжанні прылад вызначаюцца на падставе IP-адраса. Гэтыя звесткі не заўсёды дакладныя, так што як раптам ваш наўтбук зрабіў падарожжа ў Ісландыю, пакуль вы спалі — не спяшайцеся пужацца.

Больш інтэрактыўных эмодзі

І таксама мы дадаем новыя інтэрактыўныя эмодзі. Адпраўце адзін з 👻 👎 🤮 😂 💸 або 🎃 у любы асабісты чат, а пасля націсніце на эмодзі, каб прагледзець поўнаэкранны эфект.

Калі ваш суразмоўца таксама адкрые чат у гэты момант, то вы разам убачыце эфекты і адчуеце вібрацыі тэлефона адначасова.

Як вы ўжо ведаеце з папярэдняга абнаўлення, усё гэта робіць і з 🎆 🎉 🎈 👍 💩 і ❤️.

Набліжаецца зіма, але мы думаем яе абагнаць з нашым наступным абнаўленнем. Сачыце за нашым блогам!


3 лістапада, 2021
Каманда Telegram

Іншыя навіны

Історії для груп і ще 8 нововведень

Telegram виводить спілкування в групах на новий рівень завдяки 9 можливостям, які вдосконалюють досвід комунікації. Тепер групи мають змогу публікувати історії та зберігати їх як публікації…
29 Лют, 2024

Збережене 2.0, одноразові голосові повідомлення та ще 8 можливостей

Протягом січня Telegram отримав 10 нових можливостей, зокрема оновлений чат «Збережене», одноразові голосові та відеоповідомлення, які…
31 Сту, 2024

Вдосконалені дзвінки, ефект «Клацу Таноса» та епічне оновлення ботів

У 10-му оновленні 2023 року Telegram додає вдосконалені дзвінки в новому кольоровому дизайні, що використовує менше заряду акумулятора…
31 Сне, 2023

Зовнішній вигляд каналу, дописи в історіях та інші вдосконалення

У різдвяному оновленні канали можуть встановлювати шпалери, емоджі-статуси та фонові іконки профілю, користувачі можуть поширювати повідомлення…
23 Сне, 2023