Reaksiyalar, yashirin matn, tarjima va QR kodlar

Asl eʼlonni ingliz tilida oʻqish
Reaksiyalar, yashirin matn, tarjima va QR kodlar

Telegramning ushbu yildagi 12-yangilanishida reaksiyalar, xabarlarni tarjima qilish, mavzulashtirilgan QR kodlar, yashirin matn va boshqalar taqdim etiladi.

Reaksiyalar

Telegram animatsiyali va interaktiv emojilarni qoʻshgan birinchi ilova boʻldi. Bu foydalanuvchilarga chatlarda oʻzlarini ifoda etishning tengsiz usullarini taqdim etdi. Endi ayrim emojilardan hech qanday xabar yubormasdan fikrni tez ifodalash uchun reaksiyalar sifatida foydalanish mumkin.

Tezkor 👍 reaksiyasini yuborish uchun xabarni ikki marta bosing. 😁 🎉 😱 🔥 👎 kabi yana boshqa reaksiyalar uchun xabarni bir marta bosing (iOS uchun bosib turing). Har bir reaksiya oʻzining unikal animatsiyasi bilan birga aks etadi.

Birlamchi reaksiyangizni boshqa emojiga almashtirishingiz mumkin. Android: Chat sozlamalari > Tezkor reaksiyalar. iOS: Stikerlar va emoji > Tezkor reaksiyalar.

Reaksiyalar shaxsiy chatlarda har doim yoqilgan boʻladi. Guruh va kanallarda adminlar reaksiyalarni yoqish yoki yoqmaslikni va chatda qaysi reaksiya emojisi chiqishini qaror qiladi. Masalan, faqat “Yoqdi” belgisini ❤️ yoqish yoki tarafdorlar 👍 va qarshilar 👎 ovozlarini yigʻish mumkin.

Guruh va kanallar adminlari reaksiyalarni chat profilida yoqishi mumkin: Tahrirlash > Reaksiyalar. Yana boshqa fikr-mulohaza variantlari uchun kanal fikrlari va moslashuvchan sozlamalarga ega soʻrovnomalarni sinab koʻring.

Yashirin matnlar

Kino yangiliklarini muddatidan oldin oshkor etilishidan xavfsiramasdan muhokama qilish uchun yozilgan xabarning bir qismini tanlashingiz va “Yashirin” formatlashni tatbiq qilishingiz mumkin. Bunda matnning tanlangan qismi chatda, shuningdek, chatlar roʻyxati va bildirishnomalarda berkitiladi.

Yashirin matnni koʻrish uchun shunchaki uning ustiga bosing.

Xabarlarni tarjima qilish

Butun dunyo boʻylab yarim milliarddan ortiq inson Telegramdan nafaqat tanishlari bilan muloqot qilish uchun, balki ommaviy guruhlarda suhbatlashish va turli tillardagi kanallardan yangiliklarni olish uchun ham foydalanadi. Endi ilova ichida istalgan xabarni boshqa tilga tarjima qilishingiz mumkin.

Sozlamalar > Tillar ruknida Tarjima funksiyasi yoqilsa, xabar tanlaganda amallar menyusida mos Tarjima tugmasi qoʻshiladi. Siz yaxshi biladigan istalgan tilni istisno qilishingiz ham mumkin. Bunda ushbu xabarlar uchun tarjima qilish tugmasi berkitiladi.

Tarjima funksiyasidan Telegram ishlaydigan barcha Android qurilmalarida foydalanish mumkin, lekin Apple qurilmalari uchun iOS 15+ talab qilinadi. Mavjud tillar roʻyxati telefoningiz operatsion tizimiga bogʻliq.

Mavzulashtirilgan QR kodlar

Ommaviy foydalanuvchi nomiga ega istalgan foydalanuvchi uchun QR kodlarni yaratishingiz mumkin. Guruhlar, kanallar va botlar uchun ham QR kodlarni yaratish mumkin. Masalan, kimgadir sevimli blog yoki fan klubingizni tezda koʻrsatishingiz mumkin.

QR kodni tezda yaratish uchun foydalanuvchi profili yoki chatdagi ommaviy havola yonidagi yangi QR kod belgisini bosing va mos keluvchi ranglar va naqshlarni tanlang. Shundan keyin QR kodni chop etish, post qilish yoki boshqa ilovalarga ulashish mumkin.

Oʻz foydalanuvchi nomingiz uchun QR kodni Sozlamalar orqali olish mumkin.

macOS uchun yangilangan menyular

masOS uchun Telegramda oʻng tugmani bosish orqali chiqariladigan barcha menyular yangilandi – menyuning har bir bandi uchun yaxshilangan navigatsiya va animatsiyali belgilar qoʻshildi.

Yangi interaktiv emojilar

Dizaynerlarimiz 🔥 😁 🤩 😢 😭 😱 ❄️ emojilarining yangi interaktiv versiyalarini kiritdi. Yakkama-yakka chatlarda ularning istalganini yuboring, keyin siz va suhbatdoshingiz uchun uning effektini ishga tushirish uchun emoji ustiga bosing.

Aql bovar qilmas yil uchun barchaga rahmat. 2022-yil yanada yorqinroq boʻladi. 🎉


2021-yil, 30-dekabr
Telegram jamoasi

Boshqa yangiliklar

그룹을 위한 스토리와 8가지 추가 기능

텔레그램은 9가지 새로운 기능으로 그룹 내 대화를 전혀 다른 수준으로 끌어올려 다대다 커뮤니케이션을 재정의합니다. 이제 그룹은 스토리를 게시하고 그들의 프로필 페이지에 게시물로 저장할 수 있습니다. 그룹은 독특한 배경화면과 상태를 설정할 수 있으며, 그룹의 프로필 커버의 색상과 로고 또는 링크 스타일에 이르기까지 가장 세부적인…
29-fev, 2024

저장한 메시지 2.0, 일회용 음성 메시지 및 8가지 추가 기능

1월 동안, 저희는 텔레그램에 10가지 새로운 기능을 추가했습니다 – 업그레이드된 저장한 메시지, 재생 후 삭제되는 일회용 음성 및 영상 메시지, 언제 당신의 메시지가 읽혔는지를 보여주는 상세한 읽음 확인 등 포함하여 더 많은 기능들이 있습니다.
31-yan, 2024

다채로운 전화, 타노스 스냅 효과 및 대규모 봇 업데이트

텔레그램의 2023년 10번째 업데이트는 향상된 전화 기능을 추가하여 성능을 개선하고 배터리 소모를 적게시키는 다채로운 색상의 새로운 디자인 적용, 메시지 삭제시 적용되는 새로운 증발 효과, 그리고 텔레그램 역사상 가장 큰 봇 업데이트 등을 포함하고 있습니다.
31-dek, 2023

채널 외관, 스토리 게시 등

이번 텔레그램 크리스마스 업데이트에서 채널은 배경화면, 이모지 상태 및 프로필 로고를 설정할 수 있고, 사용자는 채널 메시지를 스토리에 재게시할 수 있으며, 텔레그램 프리미엄을 한 번에 여러 사람에게 제공할 수 있으며, 경품 행사에 추가 상품을 포함할 수 있습니다.
23-dek, 2023